DMPs historie
Publisert:
|
Oppdatert:
Endringer
- : Teksten blei omsett til nynorsk.
Direktoratet for medisinske produkt vart oppretta i 2024, men har historie tilbake til 1930.
1930: Spesialitetskontrollen
Fram til 1930 hadde Noreg ingen lov om farmasøytiske spesialpreparat. Det gjeldande regelerket var lov av 16. mai 1604 om innførsel av apotekvarer, samt om handel med gifter og arkana. Auka import av frabrikkfremstilte legemiddel gjorde loven utilstrekkeleg. Noregs Apotekerforening var pådrivar for å innføre den nye loven som tok til å gjelde i 1930. Med den nye loven kom Spesialistkontrollen.
1949: Statens farmakopelaboratorium
Statens farmakopelaboratorium vart oppretta i 1949. Hovudmotivet for opprettinga var det kommande nordiske samarbeidet om ein felles farmakope. I 1970 flytta farmakopelaboratoriet frå Universitetet i Oslo til lokala i Sven Oftedalsvei 8.
1974: Statens legemiddelkontroll
Statens legemiddelkontroll (SLK) vart oppretta 1. januar 1974 då Spesialistkontrollen og Statens farmakopelaboratorium vart slått saman. Informasjon om legemiddel blei sett som ein klar forplikting for den nye institusjonen. SLK ga ut sin første publikumsbrosjyre i 1974: Om trafikkfarlege legemiddel.
2001: Statens legemiddelverk
Namnet vart endra til Statens legemiddelverk (ofte bare kalt Legemiddelverket) i 2001 då etaten overtok forvaltingsoppgåver frå fleire andre organ. Frå Statens helsetilsyn overtok Legemiddelverket forvaltinga og tilsynet med forsyningskjeda for legemiddel. Frå Rikstrygveverket overtok Legemiddelverket ansvaret for å ta opp nye legemiddel på blå resept.
I 2013 fekk Legemiddelverket òg oppgåva med å vurdere nytte og kostnader ved nye legemiddel som skal finansierast av spesialisthelsetenesta. For slike legemiddel avgjer dei regionale helseforetaka offentleg finansiering gjennom "Nye metodar". I 2018 blei rolla som fag- og tilsynsstyresmakt for medisinsk utstyr overført frå Helsedirektoratet, og i 2019 ble forvaltingsansvaret for elektromedisinsk utstyr overført frå Direktoratet for samfunnssikkerheit og beredskap.
I 2016 flytta Legemiddelverket inn i nye lokale i Strømsveien 96 (no Grensesvingen 26) på Helsfyr.
2024: Direktoratet for medisinske produkt
1. januar 2024 vart Statens legemiddelverk til Direktoratet for medisinske produkt (DMP). Direktoratet overtok ansvaret for blod, celler og vev frå Helsedirektoratet samt metodevurdering av medisinsk utstyr og vaksinar og anskaffingar av vaksinar frå Folkehelseinstituttet. I tillegg har DMP fått eit overordna ansvar for forsyningssikkerheit og beredskap for medisinske produkt.